Зинченко: Подготвен сум да одам во војна за Украина

Дефанзивецот на Арсенал, Олександр Зинченко, призна дека е подготвен да ја заврши фудбалската кариера и да оди да се бори на фронтот за Украина за време на војната со Русија.

Украина беше нападната од Русија во 2022 година, конфликт кој се уште трае, па Зинченко е спремен да го прифати повикот и застане во одбрана на својата држава.

„Мислам дека одговорот е јасен: ќе одам да се борам“, одговори Зинченко.

„Тешко е да се разбере дека неодамна бевме во исто училиште, игравме на игралиште или на фудбалски терен, а сега тие треба да ја бранат нашата земја. Искрено, тешко е да се прифати ова, но тоа е она што е. Не можеме да се откажемем“, изјави Зинченко кој чести испраќа донации во Украина.