Зидан сака да го води Јувентус

Легендарниот француски фудбалер и тренер Зинедин Зидан е спремен на лето повторно да седне на клупата на некој клуб.

Откако Дешамп реши да остане на селекторското место на француската репрезентација, Зидан ќе се врати на фудбалот, па веќе испратил сигнали дека сака клупски ангажман.

Зидан ќе ги разгледа сите понуди кои ќе пристигнат на негова адреса, но предност ќе им даде на Јувентус.

Французинот сака да го води својот поранешн клуб, каде ја доживеа својата афирмација како фудбалер.

Иднината на Јувентус е неизвесна, бидејќи не се знае дали ќе избори пласман во ЛШ следната сезона.

Зизу својата фудбалска афирмација ја доживеа токму во италијанскиот гигант, а и Јувентус никогаш не ја криел желбата еден ден да го види Французинот на кормилото.