Зидан пред Шахтјор: Ова е најважниот натпревар!

Тренерот на Реал Мадрид, Зинедин Зидан истакна дека утрешниот натпревар против Шахтјор е најважниот натпревар во досегашниот дел од сезоната.

„Тоа е најважниот натпревар за нас, бидејќи ако освоиме три бода можат да бидат клучни за пласман во следната фаза. Сега не наоѓаме континуитет во играта, но секогаш има тешки моменти. Ние сме Реал Мадрид и секогаш ги поминуваме тешкотиите“, изјави Зидан.

Зидан беше запрашан за коментар на белгискиот доктор кој изјави дека честите повреди на Азар се резултат на притисокот во Реал Мадрид.

„Не, Азар е силен. Повредите се дел од играта. Немам никаков сомнеж за тоа каков играч е Азар, се надевам дека ќе се врати што побрзо“.