Дефинитивно прво име на овој преоден рок ќе биде младиот Французин, Килијан Мбапе. Доколку замине од Монако тоа без сомнеж ќе биде најскапиот трансфер во историјата, а се чини дека Реал Мадрид е најблиску до негов ангажман.
„Кралскиот“ клуб ќе има силна конкуренција за неговиот потпис, пред се богатите ПСЖ и Манчестер Сити, кои веќе испратија понуди од 135 милиони евра.
Данска vs. Македонија: Како тие се справуваат со отпадот, додека ние се расправаме кој е крив?
Сепак, актуелниот европски шампион е во предност бидејќи самиот фудбалер сака да се пресели во Мадрид, а како што пренесува „Екип“ во Монте Карло дошле претседателот Флорентино Перез и тренерот Зинедин Зидан.
Весникот наведува дека Перез и Зидан имале разговор со младиот напаѓач, а францускиот тренер му ставил до знаење на Мбапе дека ќе биде еден од клучните играчи и дека една ѕвезда сигурно ќе го напушти актуелниот состав на „кралевите“.
Кој од ударното трио (Бејл – Бензема – Роналдо) ќе го напушти Реал ова лето не знаеме, но јасно е дека Зидан во плановите за следната сезона го има Килијан Мбапе.
Учество во игри на среќа е дозволено за лица со 18+ години. Играј одговорно!