Зидан бара дефанзивец – Овие три имиња се во игра!

Португалецот Пепе минатото лето го напушти Реал Мадрид, а кариерата ја продолжи во Турција во редовите на Бешикташ.

Варан автоматски го превзема неговото место во тимот, а се очекуваше дека добри настапи да прикажува Хесус Валехо кој се врати во Реал после позајмицата во Ајнтрахт.

Сепак, Реал во досегашниот дел од сезоната не блеска во одбраната, често пати примаат погодоци, па поради тоа управата одлучи да ја засили конкуренцијата во последната линија.

Зидан е свесен дека му е потребен уште еден фудбалер кој ќе биде на нивото на Рамос и Варан, а според информациите на шпанските медиуми три имиња се во игра.

Во прашање е дефанзивецот на Атлетик Билбао, Емерик Лапорт, дефанзивецот на Манчестер Сити, Николас Отаменди, како и братот на новиот фудбалер на Реал Тео Ернандез, Лукас кој ги брани боите на Атлетико Мадрид.

Не е дефинирано колку пари на Реал би му биле потребни за доведување на еден од овие тројца фудбалери, според пазарната вредност најефтина опција е Лукас Ернандез кој се проценува на 15 милиони евра, Лапорт е за 10 милиони евра поскап, додека вредноста на Отаменди се проценува на 30 милиони евра, според „трансфермаркт“.