За случајот со Сала се јави и Марадона: Се надевам дека пилотот го промашил аеродромот

Аргентинскиот фудбалер Емилијано Сала се уште не е пронајден откако во понеделникот исчезна авионот со кој патуваше кон Кардиф.

Сала за викендот потпиша за Кардиф каде што пристигна за 17 милиони евра од Нант, а потоа одлучи да се врати во Франција за да се поздрави од соиграчите.

Аргентинецот во понеделникот тргна кон Кардиф, но авионот исчезна над Ла Манш.

Денеска во медиумите се огласи и легендарниот Диего Марадона.

„Се надевам дека пилотот само го погрешил аеродромот и дека Сала ќе се појави жив. Тоа е се што можам да ви кажам. Ова е голема трагедија и не престанувам да мислам на сите летови во мојот живот“, изјави Марадона.