Занети изненади со изборот против кого сака Интер да игра во финалето

Хавиер Занети беше дел од генерацијата на Интер која заедно со Горан Пандев играше во последното финале од Лигата на шампионите во 2010 година, а сега ја има улогата на директор кај „нероаѕурите“.

Аргентинецот не го криеше воодушевувањето по големиот успех, посебно ако се знае дека Интер во групната фаза играше со Баерн Минхен, Барселона и Викторија Плзен.

Занети сега откри против кого би сакал неговиот Интер да игра во финалето.

„Искрено не би сакал да играме против Реал Мадрид. Подобро против Манчестер Сити отколку против Реал. Лигата на шампионите е како измислено натпреварување за нив, „кралевите“ секогаш победуваат“, одговори Занети.