Замислете, и ова се случи: Фудбалер на Манчестер Сити тврди дека не вреди колку што е платен

Денешните фудбалски трансфери заминаа предалеку. Тешко е да се знае, дали некогаш Нејмар се запрашува дали навистина вреди 222 милиони евра, колку што е платен, но се стекнува впечаток дека Бразилецот не го „гризе совеста“ поради астрономскиот трансфер.

Сепак, кога е во прашање некогашниот фудбалер на Манчестер Сити, Вејн Бриџ, работите се поинакви. Имено, овој некогашен фудбалер призна дека во текот на својата кариера е „преплатен“, а особено тоа се однесува на неговиот трансфер во Сити, иако истиот беше далеку од „Нејмаровите“ 222 милиони евра.

„Самиот кога станувам гледам дали е вистина или сонувам, кога ќе помислам каква кариера имав и колку пари можев да заработам, но понекогаш срам ми е да зборувам за тоа. Кога преминував во Манчестер Сити за 12 милиони фунти, разговарав со тренерот Реднап за таа цена, му кажав: Мислам дека премногу ме платија. Тој истакна дека не е така, имам квалитет, но мене и натаму не ми беше јасно“, истакна Бриџ.