Заврши уште едно римско дерби. Лацио убедливо подобар од Рома

Фудбалерите на Лацио се радуваа на победа во големото градско дерби, совладувајќи ја Рома со 3-1.

На „римското дерби“ одиграно попладнево на „Олимпико“ два од трите голови за лациалите ги постигна Сенегалецот Балде Диао Кеита, првиот во 12.минута, а вториот на пет минути пред крајот (85). Во листата на стрелци се запиша и Србинот Душан Баста, додека почесниот гол за Рома го постигна Дениеле Де Роси (45) од пенал.

Ова беше првиот од осумте натпревари од 34.коло во Серија А кои се играат денеска.

Во попладневниот термин (15 часот) се играат средбите:
Каљари – Пескара,
Кротоне – Милан,
Емполи – Сасуоло,
Џенова – Киево,
Палермо – Фиорентина и
Болоња – Удинезе.

Колото ќе го комплетираат Интер и Наполи со средбата која ќе се игра вечерва од 20 часот и 45 минути.

Табела: Јувентус 84 бодови, Рома 75, Наполи 71, Лацио 67, Аталанта 64, Милан 58, Интер 56, Фиорентина 55