Жоао Феликс ја доби наградата „Златно момче“ за најдобар млад фудбалер

Ѕвездата на Атлетико Мадрид, Жоао Феликс синоќа на гала церемонија ја доби наградата „Златно момче“ 2019 година, за најдобар млад фудбалер во Европа.

Наградата традиционално ја доделува италијанскиот весник „Тутоспорт“, а Португалецот имаше најголем број гласови од новинарите на најеминентните спортски медкиуми во Европа.

Наградата му беше доделена на гала церемонија во Торино, а Феликс дојде заедно со неговиот агент Жорге Мендеш.

„Му ја посветувам оваа награда на моето семејство, како и на моите соиграчи од Атлетико Мадрди, како и на тие од Бенфика“, изјави Португалецот.

Феликс ја наследи наградата од Матијас де Лихт, кој минатата година беше избран за најдобар млад играч во Европа.