Еуфорија во Милано: Вакво нешто на Интер му се случува за прв пат во историјата!

Фановите на Интер се во еуфорија поголема од било кога, а последна информација која пристигнува од Милано е доказ за тоа.

Најголем „виновник“ за тоа е Антонио Конте, навивачите очекуваат со него да започне враќањето на победничките патеки. Покрај Конте во овој период со Интер се поврзуваат повеќе големи имиња и навивачите имаат големи очекувања од новата сезона.

Имено, Интер на својата страница објави дека распродадени се сите годишни билети за сезоната 2019/2020 и тоа се продале само неколку часа откако биле пуштени во продажба. Вакво нешто (да се продадат сите билети) се случува за прв пат во историјата на клубот. Од клубот информираат и дека е направена листа на чекање за сезоната 2020/2021.

Точната бројка не е објавена, меѓуоа италијанските медиуми претпоставуваат дека станува збор за околу 30.000 сезонски билети за „Џузепе Меаца“, стадион кој има капацитет од 80.000 гледачи.