ЕУРО анализа: Швајцарија – Турција, реми ќе биде фатално за двете репрезентации

Швајцарија и Турција ќе бијат директна битка за пласман во следната фаза на ЕУРО 2020, откако и двете селекции не успеаа да слават победа на првите две средби. Турција нема бод по двата порази, додека Швајцарија има еден бод по ремито со Велс и е поблиску до следната рунда.

За да се обезбеди билет за нокаут фазите, сега трите бода се неопходни во Баку, бидејќи ниту една од нациите не може да се надева на минување на групата со нерешен резултат.

Швајцарија може подобро

Откако беше елиминирана во групната фаза трипати пред конечно н аинатото ЕУРО да ја мине групата, Швајцарија е во опасност повторно да не успее на континенталната сцена, по слабиот почеток на дуелите во групата А.

Рангирани се на 13-тото место во светот според ФИФА ранг листата, а победија на шест натпревари по ред стартот на шампионатот – во серија што се протегаше од минатиот ноември – но сега освоија само еден бод од два настапи.

Откако одиграа 1:1 со Велс, потоа беа декласирани од импресивниот тим на Италија со 3:0 во Рим. И ако против Велс можат да жалат за ремито бидејќи беа далеку подобар тим, против Италија изгледаа очајно на теренот.

На „Олимпико“ во средата, Швајцарија едвај се закани кон голот на Донурама. После тој пораз судбината на селекцијата веќе не е во свои раце, но тие сепак може да завршат на второто место во групата и да обезбедат сигурен пласман во осминафиналето. И да завршат трети со победа против Турција, ќе бидат сигурно една од четирите најдобри третопласирани селекции и ќе обезбедат нокаут фаза.

Турците разочараа на првите два меча

Откако го загубија првиот натпревар од Италија со 3:0 и беа целосно надиграни, сите очекуваа дека Турција против Велс ќе освои барем бод. Но наместо тоа, тие повторно беа очајни и загубија со 2:0.

Непосредно пред полувремето во Азербејџан, Герет Бејл ја проби турската одбрана со убиствен пас за Арон Ремзи кој го отвори резултатот, пред играчот на Реал Мадрид од пенал во второто полувреме да шутне далеу над голот. Сепак, Бејл се извади со уште една асистенција во 95-та минута до Робертс кој стрелаше за конечни 2:0.

Турција сега мора да ја победи Швајцарија во уште една „скоро домашна“ средба, во Баку. Во тој случај ќе биде трета и ќе се надева дека ќе биде една од најдобрите четири третопласирани селекции кои ќе ја поминат групната фаза.

Интересно е тоа што Турција има најпознати имиња во одбраната, но токму тој дел од тимот одигра најлошо на првите два меча и прими пет гола. Тимот предводен од легендата на турскиот фудбал Шенол Ѓунеш, сега треба да се надмине себеси, или барем да го потврди тоа што се очекуваше од нив на ова Европско првенство.

Прогноза

Двете селекции според квалитетот се речиси израмнети. Но според игрити во голема предност е Швајцарија. Единствената предност за Турција ќе биде Баку. Мечот с еигра во главниот град на Азербејџан, каде Турција игра како на домашен терен, поради блискуста на земјите и народите. Тоа не беше доволно за бодови со Велс, но сега нема простор за калкулации и јасно е дека ќе следиме отворен дуел. Предност и давам на Швајцарија, но очекувам голови и на двете страни.

ТИП: Швајцарија – Турција – ГГ @ 1.78 во Bet365