Емери не е сигурен на клупата на Арсенал – ова се главните кандидати да го наследат

Скромното отварање на сезоната Унаи Емери би можел да го плати со отказ.

Арсенал после пет кола освои осум бодови, но со прилично „тенка“ игра која не ги задоволува навивачите на овој клуб.

Обложувалниците не веруваат премногу во него. Коефициентот за заминување на Емери е се помал и набрзо се очекува да ја напушти клупата на клубот од „Емирати“.

Листата на потенцијални негови наследници е долга, а како најголем фаворит се споменува Микел Артета, поранешниот играч на Арсенал кој денес му е помошник на Пеп Гвардиола во Манчестер Сити.

Зад него со помали шанси да го превземат тимот се најдоа уште двајца поранешни фудбалери, Патрик Виера и Фреди Љумберг, а помеѓу кандидатите се уште Брендан Роџерс и Тиери Анри.