Емери: Дербито меѓу Јунајтед и Арсенал е посебно

Вечерва се игра големото дерби од Премиер лигата помеѓу Манчестер Јунајтед и Арсенал, а тренерот на „топџиите“ изјави дека ова е посебен натпревар поради „војната“ меѓу навивачите.

Арсенал цели 13 години нема победа на „Олд Трафорд“, а Емери сака да ја прекине таа серија.

„Кога ми зборуваат за 13-годишната серија на Олд Трафорд, кај мене се појавува аналогија со фудбалски симулатор кој има специјални задачи. Треба да го победиме Манчестер јунајтед за да ја добиеме наградата. Има посебна војна помеѓу Манчестер јунајтед и Арсенал. Според мене, Арсенал е подготвен да ја добие следната битка“, изјави Емери.