„Елмас не ми се допаѓа како играч, трча со наведната глава“

Eлиф Елмас во последниот период добиваше голем број пофалби од различни страни на Апенините, комплименти за него имаше и од тренерот Спалети. Сепак, сега доби и критики од Андреа Бакони.

Андреа Бакони е тактичар кој во еден период работеше и во стручниот штаб на Интер. За него Елмас не е играч за потребното ниво.

„Елмас еден од најдобрите во Наполи? И да е така, мене не ми се допаѓа како играш. Трча со наведната глава, а и во дриблинзите често пати избира потег повеќе. Не ми е убедлив и кога се втрчувањата во прашање“, изјави Бакони.

Во кариерата Бакони работеше во Пиза, Бреша и Палермо.