Еден од најомилените играчи му кажа збогум на фудбалот

Постојат фудбалери кои секогаш се во сенка на некои од најголемите ѕвезди на екипите и завршуваат работа која не се гледа (не постигнуваат голови и асистираат). Таков беше Хавиер Маскерано.

Каде и да играше Маскерано беше омилен кај тренерите. Легендарниот „мал шеф“ како што му беше прекарот одлучи да му каже збогум на фудбалот и тоа неколку месеци откако наполни 36 години. Последниот клуб во неговата кариера беше Естудијантес.

„Денес ја завршувам својата професионална кариера. Му благодарам на овој клуб кој ми даде шанса да ја завршам кариерата во Аргентина“, изјави Маскерано.

Кариерата ја започна во Ривер Плата, а во Европа пристигна во 2006 година потпишувајќи за Вест Хем од каде што се пресели во Ливерпул, за потоа да заигра и во Барселона.

Thanks for the legacy you have left in the world of football, and especially at Barça, @Mascherano. You will always be one of us. ?❤️ pic.twitter.com/u0CcWsYpoS

— FC Barcelona (@FCBarcelona) November 15, 2020