Еден од најдобрите фудбалери денес слави 60 роденден, доби специјална честитка (видео)

Легендарниот капитен на Милан и еден од најдобрите дефанзивци во историјата, Франко Барези денес го слави 60-от роденден.

Барези кариерата ја започна 1977 година во Милан и цела кариера (20 години) ја помина на „Сан Сиро“, па прерасна во најголема легенда на „росонерите“.

Неговиот дрес со број „6“ засекогаш е повлечен од употреба во Милан и тој дрес секогаш ќе биде само негов за да ги симболизира големите успеси и трофеи освоени со „росонерите“.

Барези важи за најдобриот дефанзивец во историјата и два пати беше на второто место во изборот за „Златна топка“.

Милан денес на специјален начин му го честита роденденот, со видео обраќање на 60 великани на светскиот фудбал.