Европските гиганти полудеа по Мбапе!

Килијан Мбаше е на радарот на голем број европски гиганти, а сега тој број се зголеми после фантастичните партии против Манчестер Сити.

Монако синоќа приреди големо изненадувањето и го елиминираше фаворизираниот Манчестер Сити од ЛШ, а главна ѕвезда во овој двомеч беше секако младиот Килијан Мбапе.

Францускиот фудбалер има само 18 години, во татковината веќе го нарекуваат „новиот Анри“, а на основа на она што можевме да го видиме се чини дека во целост го заслужува тој епитет.

Европските гиганти веднаш почнаа да покажуваат интерес за неговиот потпис, а најсилен е интересот на Премиер лигашите. Први во ред за неговиот потпис застанаа Манчестер Јунајтед, Арсенал и Манчестер Сити.

„Нашата цел е да го задржиме и следната сезона. Многу сме горди на него бидејќи е продукт на нашата школа“, изјави претседателот на Монако, Васиљев.

Следното лето големите клубови ќе се „тепаат“ за неговиот потпис, а моменталната цена на тинејџерот изнесува околу 60 милиони евра.