Еве што објави фудбалерот на Јувентус откако не беше повикан за Европското првенство 📸

Фудбалерот на Јувентус, Мануел Локатели не се на најде на списокот фудбалери на Лучијано Спалети за Европското првенство во Германија.

Првотимецот на „старата дама“ е разочаран по таквата одлука на Спалети, а тоа го покажа и со неговата објава на социјалните мрежи.

Локатели на својот Инстаграм профил објави стори со црна позадина без текст.

Сезонава играчот за врска собра 40 настапи за Јувентус, постигна еден гол и подели шест асистенции, собра вкупно 3342 минути. За репрезентацијата на Италија има 28 настапи и три гола.

Локатели беше дел од репрезентацијата на Италија на Европското првенство во 2021 година каде што оваа репрезентација стигна до трофејот. Покрај Јувентус, во кариерата играше уште за Милан и Сасуоло.