Дури и брзата помош го исмејува Нејмар (фото)

Честото лежење на Нејмар на тревникот, после и најмал контакт со противникот предизвика остри реакции од фудбалската јавност.

Веќе пишувавме дека статистичарите пресметаа дека на тревникот на Мундијалот Нејмар до овој момент помина цели 14 минути.

Таквиот негов стил на игра го искористи португалската брза помош, кој на тој начин сакаше да ги предупреди Португалците дека пречсто се решаваат да повикаат брза помош кога за тоа нема никаква потреба.

„Дури 75.8% од повиците за брза помош воопшто не се итни“, стои во соопштението со фотоградија од Нејмар кој со болна гримаса бара прекршок од судиите.

Иначе Нејмар е најфаулираниот играч на СП во Русија (23 пати).