Драма до последната минута: Чапекоенсе со гол во 97. освои трофеј и се врати помеѓу најдобрите во Бразил!

Tимот на Чапекоенсе за кој целиот свет слушна по авионската несреќа пред неколку години се врати во најсилната бразилска лига.

Вчера овој тим стана шампион во второлигашката конкуренција и си обезбедија место во Серија А. Последното коло од првенството имаше драматична завршница. Чапекоенсе, Америка Минеиро и Кјуба беа сигурни патници во повисок ранг, отворена беше една позиција и на неа се најде Жувентуд.

Чапеконесе и Америка Минеиро имаа ист број на поени и гол разлик, па се беше отворено во последните натпревари. Америка победи со 2:1, додека Чапекоенсе се мачеше со Конфианса. На крајот сепак успеаа да слават со 3:1, а последниот гол го постигнаа во 97. минута од пенал.