Женската ракометна репрезентација на Македонија како ретко кога во последните десетина година деновиве беше во центарот на вниманието поради настапот на Европското првенство.
Македонија доби учество на Европското првенство како еден од домаќините заедно со Словенија и Црна Гора. Јавноста испрати голема поддршка до девојките и покрај трите порази.
Диск голф го освојува светот, а го нема во Македонија!? ↓↓↓
Претседателот на Ракометната федерација Живко Мукаетов денес на брифингот со новинарите изрази задоволство.
„Горд сум на сето ова што сработевме, ова беше сериозен предизвик и верувам дека одговоривме на предизавикот. Горд сум што имавме и повеќе од 1000 волонтери во сите сегменти, сите тие придонесоа организацијата на овој настан да биде на највисоко ниво.
Посебно горд ме прави фактот што ракометарките станаа спортски симболи, а до пред ЕП ретко кој знаеше како изгледаат, сега се многу попознати во јавноста за фановите. Ова секако е еден голем плус во нашите обиди да го кренеме женскиот ракомет на повисоко ниво“, изјави Мукаетов.
Фото: РФМ
Учество во игри на среќа е дозволено за лица со 18+ години. Играј одговорно!