Донарума: Секогаш ќе го сакам Милан

Најдобриот фудбалер на ЕУРО, Џанлуиџи Донарума ова лето го напушти Милан како слободен агент и ќе се пресели во ПСЖ.

22-годишниот голман за прв пат се огласи и истакна дека деталите ќе ги открие следните денови, но не ја криеше љубовта кон клубот каде поникна.

„Секогаш ќе го сакам Милан и ќе навивам за „росонерите“. За останатото ќе зборувам следните денови. Сега се насладувам на победата на ЕУРО и ќе одам на одмор“, изјави Донарума.

„Секогаш ќе бидам фан на Милан и на клубот му го посакувам најдоброто. Не значи дека љубовта прекинува како ќе се донесат одлуки да се тргне по друг пат“, додаде голманот.