Дисингер: Македонците се луди по ракомет

Германецот од редовите на Вардар, Кристијан Дисингер во интервју за „(Un)informed Handball Hour“ зборуваше за ситуацијата таборот на црвено-црните.

Дисингер го кажа она што на веќе на сите ни е јасно, финансиската ситуација не е добра. Меѓутоа како и во изјавата од пред неколку дена популарниот „Диско“ потврдува дека ќе остане во Вардар до крајот на сезоната.

„Финансиската ситуација не е добра, но јас на раководството му соопштив дека сигурно останувам до крајот на сезоната. Имав понуди од силни клубови, меѓутоа не сакав да си заминам и да го ставам Вардар во уште полоша ситуација затоа донесов одлука да бидам тука до крајот на сезоната’.

Потоа Дисингер истакна дека кога финансиите би биле во ред Вардар е најдобриот клуб за секој ракометар, едноставно има се.

„Доколку ги немаше финансиските проблеми, Вардар е совршен клуб за секој ракометар. Не сум видел друг тим кој има се на едно место, на сето тоа тука се и навивачите кои се луди по ракомет затоа што овој спорт е број 1 во државата“, зборува Дисингер во интервјуто.