Димарко откри дали на среќа го постигнал голот од половина терен 🎥

Интер вчера со 2:0 го совлада Фросиноне и го симна Јувентус од врвот во Серија А, а овој натпревар беше обележан со спектакуларниот гол на Федерико Димарко.

Домаќините во првото полувреме имаа брз против напад и двајца фудбалери на „нероаѕурите“ чекаа топка во прзна, но Димарко место тоа го изненади голманот од 50-тина метри.

Новинарите по натпреварот го прашаа дали голот бил на среќа или имал намера да шутира.

„Прво погледнав каде Дамфрис, но тогаш забележав дека голманот е излезен и за среќа погодив, ако погрешев веројтно ќе добиев навреди и свирежи од трибините. Дефинитивно ова е еден од најдобрите голови кои сум ги постигнал во кариерата“, изјави Димарко.