Дибиров: Со Нексе ќе се обидеме да го наметнеме нашиот стил, среќни сме што сме на терен

Вардар во понеделник ќе игра против Нексе, а Тимур Дибиров порача дека очекува тежок натпревар.

Пред да ги продолжи настапите во Лигата на шампионите Вардар ќе игра со Нексе и тоа ќе биде втор натпревар за црвено-црните откао беше совладана Војводина со 25:21.

„Очекувам тежок меч, сакаме да видиме до кај сме. Пред нас е еден силен противник кој со новиот тренер ќе има промени во стилот на игра. Ние ќе имаме подготвено тактика и ќе се обидеме да ги изненадиме. Нашата работа е да ја играме нашата игра и да го наметнеме својот стил за да бидеме подобри на теренот. Среќни сме што сме на терен, секој натпревар е задоволство. Со нетрпение го чекавме овој натпревар да видиме до кај сме“, изјави Дибиров.