Дибала откри како ја добил идејата и што значи неговата прослава на погодоците

Познато е дека за голем број фудбалери во светот заштитен знак се нивните прослави на погодоците, па таков е и Паоло Дибала.

Ѕвездата на Јувентус, Аргентинецот Дибала освен по големиот фудбалски квалитет кој без сомневање го поседува стана препозналив и по неговата прослава на погодоците кога со раката прекрива половина лице.

При претставувањето на своите нови копачки, Дибала откри што тоа му значи и од каде ја добил идејата.

„Идејата ја добив во 2016 година по завршувањето на натпреварот од Суперкупот против Милан. Промашив пенал и бев лут како рис. По завршувањето на сезоната на одморот го гледав филмот „Гладијатор“ и одлучив следниот гол да го прославам со маска на лицето, така се започна“, откри напаѓачот на „старата дама“.

Дибала оваа сезона на 14 настапи за Јувентус постигна шест погодоци и запиша една асистенција.

#Juventus forward Paulo #Dybala has explained the reason behind his trademark 'mask' celebration. pic.twitter.com/hmv4QvuU5b

— JuventusLebanon?? (@Juventus1897zi) November 22, 2018