Дибала му ја бакна раката Мурињо по двата гола, Португалецот откри што му кажал

Жозе Мурињо на највисоко ниво води клубови веќе две децении, Португалецот промени различни клубови и тренираше многубројни играчи.

Португалецот е познат и по тоа што знае да развие одличен однос со играчите, сега тоа е случај со Паоло Дибала. Аргентинецот вчера одигра одличен натпревар и постигна два гола во победата против Монца од 3:0.

Посебно импресивен беше првиот гол кога Дибала претрча 50-тина метри со топката во нозете и ја затресе мрежата. Во 65. минута Мурињо одлучи да го замени Дибала, а во таа прилика Аргентинецот му ја бакна раката на Жозе.

„Минатата сезона на „Олимпико“ против Јувентус му кажав на Дибала дека е добар, вечерва му го повторив истото, а тој се насмевна. Се потсетивме како минатата сезона постигнуваше голови на спротивната страна“, раскажа португалскиот стратег.

Дибала во Јувентус имаше константни проблеми со повреди и не успеваше да игра во континуитет.

Dybala this is futbol heritage pic.twitter.com/QdmMKQoNgO

— 27 (@189NlNE) August 30, 2022