ДЕ РОСИ ОТКРИ: Просто неверојатно е каков човек е Коларов

Александар Коларов вчера беше еден од јунаците на победата на Рома над градскиот ривал, бидејќи постигна гол за 2:1 од слободен удар.

Искусниот српски бек беше на мета на навивачите кои го критикуваа во последно време, па во натпреварот против Фросиноне претрпе и свирежи од трибините. Коларов не се огласи, но вчера постигна гол и одигра одличен натпревар во големата победа на Рома, а и се запиша како втор човек во историјата на римското дерби кој постигнал гол во дресовите на двата клуба. 2009. година постигна гол за Лацио против Рома.

Синоќа исто така и капитенот Даниеле Де Роси изајви дека Коларов играше со скршен прст на ногата. Иако беше под инјекции, одлучи да истрпи се и да и помoгне на Рома, а на крајот се исплатеше, уште беше и еден од клучните луѓе во постигнувањето на победата. Ќе видиме дали и по ова навивачите на Рома ќе имаат омраза кон него.