Де Лихт во Челзи за 100 милиони евра?

Јувентус не може да го задржи Матијас де Лихт, кој во претходните денови се поврзува со трансфер во Челси, а италијанскиот тим полека реши да се откаже од неговите услуги затоа што преговорите за соработка се неуспешни.

Новите газди на Челси планираат да потрошат околу 100 милиони евра за Де Лихт, колку што бара поранешниот италијански шампион.

Холанѓанецот има богат договор со Јувентус, но сигурно ќе добие подобри услови во Лондон, а притоа „Старата дама“ се обидува да го извлече максимумот од неговиот трансфер.

Овој 22-годишен дефанзивец во Јувентус стигна во 2019 година за 85,5 милиони евра од Ајакс, а од тогаш настапи на 117 меча и постигна осум голови и три асистенции.