Дешамп заминува, веќе се знае неговиот наследник

Француската репрезентација доживеа дебакл на Европското првенство и беше елиминирана од Швајцарија во осминафиналето.

Франција беше еден од фаворитите за медал на ЕП, па ова е голем неуспех за актуелниот светски шампион.

Франција имаше предност од два гола до десет минути пред крајот, па и дозволи на Швајцарија да го однесе мечот во продолженија, а потоа беше елиминирана на пенали.

Денес на удар на критичката јавност се најде селекторот Дешамп, а медиумите тврдат дека во наредните денови ќе добие отказ.

Фаворит за негов наследник е Зинедин Зидан, кој во моментов е слободен, а никогаш не ја криел желбата да ја води француската репрезентација.