Дерби на денот: Тотенхем – Баерн Минхен, Спарси непрепознатливи, Ковач си го најде местото во Баерн

Тотенхем е домаќин на германскиот шампион Баерн Минхен во дербито на денот. Ова е најинтересниот натпревар од денешната програма во Лигата на Шампиони и дуел во кој би требало да следиме голови и на двете страни.

Тотенхем сезонава е непрепознатлив

Над Тотенхем сезонава се надвиснати црни облаци. Едноставо, оваа екипа не личи на себе. Ако во предходните сезони бевме навикнати Спарси да газат на почетокот на сезоната, сега ситуацијата е спротивна. Во Премиер Лигата имаат три победи и по две ремија и порази. Само слабите резултати на некои од нивните конкуренти се причината тие сепак да бидат на 5-то место, кое реално според резултатите и не го заслужуваат.

Поразот во Лига Купот од слабиот нисколигаш Колчестер Јунајтед ги заостри зборовите на некои критичари, кои сакаат да го најават крајот на една ера во северен Лондон. Или подобро кажано, крајот на Покетино. Сепак, јас не се сложувам целосно со нив. Иако е неспорно дека Спарси се непрепознатливи сезонава, Покетино честопати навестуваше на проблеми и со тоа што тие проблеми останаа нерешени од раководството, тој си собра еден куп кредити кои и без тоа ги имаше.

Офанзивата е добра, одбраната е слаба

Веќе не се зборува за титула во Тотенхем. Формите на Ливерпул и Манчестер Сити се одлини и јасно е дека оваа екипа на Спарси не може со нив. Сепак, Тотенхем не е далеку на табелата од најдобрите четири, а во просек има два гола по натпревар во Премиер лигата. Тоа значи дека најголемите проблеми во тимот се во одбраната. Хари Кејн веќе постигна пет голови во лигата, додека летното доаѓање на Танги Ндомбеле полека но сигурно се наметнува како главна алка во средината, особено по победата минатиот викенд над Саутемптон. Тие и покрај се го најдоа тимскиот дух и онаа потребна кохезија за да ги соберат сите три бода од тој меч. Со тоа, Тотенхем победи на три од последните четири домашни натпревари.

Засилувањата Ло Целсо и Рајан Сесењон сеуште се надвор од тимот поради повреда, додека Деле Али и Лукас Моура би можеле да се вратат откако се одморија целосно за време на викендот.

Баерн тргна добро во Бундеслигата

Во домашниот шампионат, Баерн Минхен за разлика од минатите сезони кога влагаше променливо, е добар. Тие имаат четири победи и две ремија и се лидери на табелата. Реално, тешко дека некој освен Борусија Дортмунд би можела да ги симне од тронот, но Дортмунд сезонава не ја започна како што треба. Баерн сега се обидува да направи добар резултат и во Лигата на Шампиони, за да може да ротира при крајот на годинава. Тоа не беше случај во изминативе три сезони, па сега тие се надеваат дека тие ротации и освежувањето на тимот ќе ги гурнат малку понапред.

Ковач издржа се и сега е појак од кога и да било

Претседателот Ули Хенкес и извршниот директор Карл-Хајнц Румениге се секогаш во позадина. Додека Хенкес е силен поддржувач на поранешниот тренер на Ајнтрахт Франкфурт, Нико Ковач, Румениге во голема мера не сака вистински да го поддржи Хрватот. Некои од фудбалерите на Баерн, исто така се сомневаат во тактичката способност на Ковач, а минатата сезона со испашањето во раната фаза од Лигата на Шампиони од Ливерпул, тие се засилија.

Ковач мораше да оперира против оваа позадина на шепотења и озборувања, но и покрај тоа тој доживеа возбудлив последен ден во минатогодишната трка во борбата за титула во Бундеслигата. Го освои шампионатот, а по само неколку дена славеше и во Купот и тоа со убедлива победа над Лајпциг во финалето. Е сега, тој ги користи токму тие кредити кои ги доби на крајот од сезоната.

Офанзивата на Баерн е способна да ита кон титулата

Напаѓачот Роберт Левандовски потпиша нов долгорочен договор и оттогаш е во смртоносна форма. Тој е првиот играч во историјата на Бундеслигата кој постигнал десет гола на првите шест натпревари во една сезона. Новото засилување Кутињо забележа гол и асистенција против Падерборн во минатото коло и покажува знаци дека донесе добра одлука, по неговиот потег на позајмицата од Барселона. Серж Гнабри, кој заслужено беше играч број еден на Баерн минатата сезона, продолжува да аистира и да постигнува голови. Од другата страна, Кингсли Коман секогаш е спремен да одигра на било која позиција во навалниот ред. Сезонава тука е и Перишиќ кој дојде од Интер и кој со своето искуство веќе се наметна во тимот. Се на се, Ковач сезонава располага се неверојатно цврста офанзивна линија, способна да го крене трофејот во било кое натпреварување.