Дел Пиеро: Шокиран сум од заминувањето на Меси

Легендарниот фудбалер на Јувентус, Алесандро Дел Пиеро е шокиран од заминувањето на Меси од Барселона.

Вчера Барселона го изненади фудбалскиот свет со објавата дека Меси нема да го продолжи договорот.

„Очекував кариерата да ја заврши во Барселона затоа сум малку шокиран со тоа што заминува. Сите беа убедени дека кариерата ќе ја заврши во Барселона.Сезоната требаше да ја почне во дресот на Барса, испраќаше позитивни пораки, изгледаше дека се е во ред…Сега ќе започне нова авантура, поинаква за него. Не сакам да го осудувам, нашиот свет е посебен. Тоа може да биде негова одлука или заедничка. Ако мене ме прашувате, јас сакав до крајот на кариерата да остане во Барселона“, изјави Дел Пиеро.