Дали Роналдо е „ограбен“ за една „Златна топка“?

Поранешниот соиграч на Кристијано Роналдо, Рио Фердинанд го критикуваше изборот на Лука Модриќ за најдобар фудбалер во 2018 година.

Англискиот дефанзивец изјави дека Роналдо бил ограбен што таа година „Златната топка“ не завршила во негови раце.

Легендарниот фудбалер на Манчестер Јунајтед беше запрашан за вечната дилема „Меси или Роналдо“, па се дојде до коментар за соодност во освоените „Златни топки“.

„Меси има седум, а Кристијано пет. Сепак, Роналдо требаше да има најмалку шест, украдена му е онаа година кога заврши во рацете на Лука Модриќ“, изјави Фердинанд.

Модриќ 2018 година ја прекина доминацијата на Роналдо и Меси кои ги освојуваа „Златните топки“ десет години во низа.