Давид Силва се сели во Серија А

Давид Силва се збогува со Манчестер Сити откако му истече договорот и сега е слободен агент.

„АС“ пренесува дека 34-годишниот Шпанец е во преговори со Лацио и би можел кариерата да ја продолжи во Серија А.

Силва има понуди од САД, но сака се уште да остане во Европа, па е спремен да ја прифати понудата на италијанскиот клуб.

Лацио после 12 години обезбеди пласман во Лигата на шампиони и сака да донесе една голема ѕвезда, па смета дека Давид Силва би бил идеален и ќе му донесе искуство на тимот.

Италијанскиот клуб е спремен да му понуди едногодишен договор со опција за продолжување на уште една сезона.