Гризман: Болно е да се испадне од ЛШ волку рано

Францускиот напаѓач, Антоан Гризман жали за пропуштените шанси на „Паркот на Принцовите“.

Отпатува Барселона во Париз сонувајќи ново чудо против „светците“.

Фудбалскиот свет уште се сеќава на лудиот реванш пред четири години кога Барса го победи ПСЖ со 6:1 после поразот од 4:0 во првиот натпревар. Сепак, ПСЖ сега не дозволи такво нешто.

Имаше Барселона добри прилики посебно во првото полувреме кога и Меси не реализираше пенал за 1:2.

„Го покажавме вистинското лице и одигравме одличен натпревар. Пропуштивме многу шанси, штета. Имавме неколку чисти прилики, а потоа и пенал. Во второто полувреме беше многу потешко после тие пропуштени прилики. Сега мораме да се фокусираме на Купот на кралот и Примера“, изјави Гризман.

За Гризман сепак ваквиот настап дава самодоверба.

„Ваквиот настап ни дава самодоверба за она што следи, но се чувстувваме ужасно затоа што сакавме да направиме исчекор. Болно е да се испадне од ЛШ волку рано. Нашите навивачи не го заслужија ова, ќе се вратиме следната година со намера да го освоиме трофејот“, порача Французинот.