Го постигна еден од најлудите голови во Серија А, а сега објави пензија 🎥

Французинот Жереми Менез објави дека заминува во пензија на 37-годишна возраст.

Сезонава Менез остана без клуб откако во минатата беше дел од Бари, претходно три сезони го носеше дресот на Реџина. Најдобрите денови во кариерата ги помина во ПСЖ и Милан, а играше уште за: Рома, Бордо, Монако, Сошо, Анталијаспор, Америка и Париз.

Во еден период беше и репрезентативец на Франција, селекција за која одигра 24 натпревари и постигна два гола.

Фановите ќе го паметат и по голот во дресот на Милан кој дефинитивно е еден од најлудите во Серија А.