Готово: ВАР влегува и во Србија!

Долго време се бодеше расправата, а на крајот во Србија е усвоена одлуката за воведување на ВАР системот!

Иницијативата на Партизан за воведување на ВАР во српското првенство овој пат даде резултат. На состанокот на Суперлигата кој се одржа денес изгласано е да започне процес за воведување на технологијата која е застапена скоро во сите посилни европски првенства.

Потпретседателот на Партизан Владимир Вулетиќ кон крајот на декември поднесе иницијатива за воведување ВАР технологија, така и започна расправата.

Епилогот е голема победа на Партизан. ВАР беше изгласан на собранието на клубовите на кое не присуствуваа претставници на Црвена Звезда.

На состанокот присуствувале 28 претставници од 32 клубови, но не е познато зошто претставниците на шампионот на Србија не се појавија. ФСС беше претставуван од Јован Шурабатовиќ, а споменатата 6-та точка беше иницијативата на Партизан за која Вулетиќ даде образложение и аргументи.

ВАР во Србија на сила би требало да стапи за две сезони, односно од август 2021 година.

После ова останува отворено прашањето кога веќе ВАР стигна во соседството кога и дали воопшто некогаш ќе биде воведен во Македонија. Посебно актуелно прашањето во македонската фудбалска јавност за воведувањето на оваа технологија стана откако на последното дерби помеѓу Шкендија и Вардар не беше признаен чист погодок за црвено-црните.