Гомез си замина од Аталанта: Чувството е чудно, Бергамо засекогаш ќе биде во моето срце

Алехандро Гомез во наредните денови ќе ја напушти Аталанта и ќе потпише за Севиља.

Гомез во претходните сезони беше најдобар играч на Аталанта, но поради конфликтот со тренер Џан Пјеро Гасперини беше ставен на трансфер листата.

Аргентинецот се поврзуваше со неколку клубови во Италија, но како што стојат работите кариерата ќе ја продолжи во Севиља.

Аталанта и Севиља се договорија кога во прашање е трансферот, а Гомез денес отпатува на лекарски прегледи во Севиља.

„Би направил се исто како од првиот ден тука во Бергамо. Испишавме историја и овој клуб сега е еден од најдобрите во Европа. Чувството е навистина чудно, бев долги години тука. Бергамо засеогаш ќе биде во моето срце“, изјави Гомез.