Голманот на ПСЖ за гласините со Нејмар: Еден ден е во Реал, а друг во Барселона…

Германецот и голман на ПСЖ, Трап разговар за „Билд“ зборуваше за шпекулациите околу Нејмар, но и пријателскиот натпревар помеѓу Германија и Бразил.

Нејмар пристигна на „Паркот на принцовите“ во рекорден трансфер за 222 милиони евра, но секој ден се појавуваат гласини според кои Бразилецот се поврзува со заминување од Париз.

Трап не знае што ќе биде со Нејмар, но тој сака да остане во Париз.

„Еден ден е во Реал Мадрид, друг ден се враќа во Барселона. Не знам зошто е тоа така, но секој ден се појавува нешто ново поврзано со Нејмар. Се што можам да кажам е дека јас не знам што ќе се случи. Ние не сме оптеретени со тоа, мило ми е што е со нас и се надевам дека уште долго ќе играме заедно“, изјави Трап за „Билд“.