Голем гест на Панатинаикос кон семејството на починатиот Балдок

Грчкиот гигант Панатинаикос се одлучи да направи голем гест и да го исплати во целост договорот на починатиот фудбалер Џорџ Балдок.

Неодамна 31-годишниот фудбалер беше пронајден мртов во Атина каде што се пресели летово по потписот со Панатинаикос, претходно го носеше дресот на Шефилд.

Со овој тим имаше договор на три години, а клубот одлучи во целост да го исплати на неговата сопруга и неговото едногодишно дете. Покрај тоа клубот ќе организира и хуманитарен натпревар во 2025 година и сите средства од тој натпревар ќе одат на сметка на детето.