Големо засилување во Ѓорче: Стоилов е замената за Емини

Maкедонија Ѓорче Петров денес го промовираше 27-годишниот Ѓорѓи Стоилов кој пристигнува во редовите на „лавовите“ на местото на Сефер Емини.

Стоилов потекнува од Хоризонт Турново, дел од Академија Пандев беше до 2021 година од каде што се пресели во Зира од Азербејџан. Сепак откако не доби шанса брзо го раскина договорот со овој тим.

Додека селектор беше Игор Ангеловски Стоилов имаше неколку повици во А-репрезентацијата, а одигра и неколку минути во мечот против Полска од квалифкациите за ЕП 2020.

Во Ѓорче пристигнува како замена за Емини кој се пресели во Данска во тимот на Сондерјиске.