Eкипата на Феникс беше во серија од 18 победи во низа сезонава во НБА лигата и таа серија им траеше до изминатата ноќ кога беа победени од Голден Стејт.
За Феникс тоа беше рекордна низа која се заврши со фантастичниот Стеф Кари и Вориорси. Со оваа победа Голден Стејт се вратија на врвот на табелата на Западната конференција, Кари мечот го заврши со 23 поени, пет скока и исто толку асистенции. Идентичен поентерски ефект имаше Ајтон кој беше најрасположен кај Феникс.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Во Лос Анџелес се играше градското дерби. На крајот подобри беа Клиперси кои ги добија Лејкерси со 119:115. Маркиф Морис со 21 поен беше најпрецизен во победничкиот тим, додека на „езерџиите“ не им помогнаа одличните Леброн и Ентони Дејвис. „Кралот“ оствари учинок од 23 поени и 11 скока, додека Дејвис имаше 27 поени и 10 скока.
НБА РЕЗУЛТАТИ: Индијана пејсерс – Мајами хит 104-113, Вашингтон визардс – Кливленд кавалирс 101-116, Атланта хокс – Филаделфија 76-ерс 96-98, Бруклин нетс – Минесота тимбервулфс 110-105, Хјустон рокетс – Орландо меџик 118-116, Далас маверикс – Њу Орлеанс пеликанс 91-107, Јута џез – Бостон селтикс 137-130, Голден Стејт ворирос – Феникс санс 118-96, ЛА лејкерс – ЛА клиперс 115-119.
Учество во игри на среќа е дозволено за лица со 18+ години. Играј одговорно!