Гигс открива: Фудбалот само еднаш ме расплака

Легендарниот фудбалер на Манчестер Јунајтед, Рајан Гигс кој дел од тимот од „Олд Трафорд“ стана во далечната 1990 година, а се пензионираше пред три години, зборуваше неговиот најемотивен момент во кариерата.

Велшанецот со Јунајтед успеа да стигне до 13 шампионски титули во Премиер лигата, четири пати го подигна трофејот во ФА Купот, а два пати се радуваше на освојување на најелитното европско натпреварување, Лигата на шампионите.

Како што открива Гигс неговиот најемотивен момент се случил во сезоната 1998/1999 токму во ова натпреварување кога Манчестер Јунајтед во епското финале го совлада германски Баерн Минхен.

„Единствениот момент поради кој плчаев во кариерата е финалето против Баерн Минхен, едноставно емоциите во тие моменти беа навистина пресилни“, изјави Гигс.