Гигантите се „тепаат“ за Србинот од Фиорентина!

Дефанзивецот на Фиорентина и српски репрезентативец, Никола Миленковиќ со своите добри игри го привлече вниманието на бројни европски гиганти.

Силен интерес за Миленковиќ уште во летниот преоден рок покажуваат Атлетико Мадрид, Јувентус и Манчестер Сити, но Фиорентина одолеа на понудите и го задржа Србинот во своите редови.

Италијанските медиуми тврдат дека Фиорентина во последните денови од преодниот рок одбила понуда од 40 милиони евра, а се очекува после оваа сезона неговата цена додатно да порасне.

20-годишниоѕ Миленковиќ минатото лето пристигна во Фиорентина од Партизан за 5 милиони евра и уште во првата сезона во Серија А ја покажа својата класа.

Го споредуваат со легендарниот Јап Стам, а оваа сезона е стандарден и е меѓу најдобрите дефанзивци во Серија А.

Италијанските медиуми се сигурни дека следното лето Миленковиќ ќе биде еден од најбараните фудбалери во Европа.