„Гечевски можеше да игра во НБА ама најубаво му беше да си запали цигара и да оди во Кавадарци“

Александар Митровиќ е поранешна надеж на српската кошарка играше за Партизан, а еден дел од кариерата помина и во Работнички.

Митровиќ сега имаше интервју за српски „Моцарт“, а во тоа интервју за нас интересен е делот во кој зборуваше за македонската кошаркарска легенда Тодор Гечевски.

„Таму (во Работнички) играа големи мајстори. Тука беше Тодор Гечевски, значи тој е најголемиот мајстор! Да тренираше повеќе сигурно ќе беше НБА играч. Сепак, тој сакаше да запали цигара и да си оди во Кавадарци каде што му беше најубаво. Беше тука и Чековски, исто така добар играч“, изјави Митровиќ.

Овој кошаркар за Работнички настапуваше во 2015 година. Кога е Гечевски во прашање тој кариерата ја заврши во Работнички пред пет години, во 2012 година беше прогласен за МВП во првенството, титули освојуваше во (2000, 2004, 2012, 2013 и 2014) и дресот на репрезентацијата на Македонија го носеше на 89 натпревари.

Тука можете да го прочитате целото интервју на Митровиќ.