Гвардиола ситуацијата во Премиер лигата ја спореди со Ѓоковиќ, Надал и Федерер

После 13 одиграни кола во Премиер лигата, Манчестер Сити се наоѓа на првата позиција со 35 освоени бодови, додека Ливерпул му дише во врат со 33.

Ваквата ситуација Пеп Гвардиола ја спореди со Надал, Федерер и Ѓоковиќ.

„Ливерпул ни помага да бидеме подобри. Тоа е слично како со Надал, Федерер и Ѓоковиќ, зарем не? Потребни ни се натпреварувачи. Како спортисти имаме потреба да има конкуренција. Играчите тоа го знаат. Не им го зборувам тоа, но тие знаат колку Ливерпул е силен и дека не смееме да губиме бодови“, изјави Гвардиола.

Пеп не ги отпишува ниту останатите клубови.

„Можеме да кажеме дека конкуренција ни се уште Челзи, Тотенхем или Арсенал. За да останеме на ниво подолг период потребни ни се силни противници. Оваа сезона ги имаме како во Премиер лигата така и во Европа“, заврши Шпанецот.