Гвардиола се откажа: Не ме интересира веќе Премиер лигата

Maнчестер Сити денес претрпе пораз во градското дерби против Јунајтед кој со пресврт дојде до триумф од 2:1.

Со овој пораз Арсенал доби можност со евентуална победа утре против Тотенхем да побегне на осум бода на врвот на табелата. Пеп Гвардиола не го криеше разочарувањето по поразот, па дури и се откажа од борбата за титулата.

„Повеќе не ми е гајле за Премиер лигата и Лига Купот, немаме шанс ида ги освоиме.

Сепак, ги освојувавме неколку пати овие натпреварувања, па тоа не е проблем“, изјави Гвардиола по натпреварот.

Оваа изјава на Гвардиола значи и дека „граѓаните“ сега целосно ќе се насочат кон Лигата на шампионите кој е единствениот трофеј кој му недостасува на Пеп како тренер на Манчестер Сиити.