Гвардиола: Реал е спектакуларен тим, Барселона е најдобар клуб во светот

Менаџерот на Манчестер Сити, Пеп Гвардиола присуствуваше на едно спортско случување кое го организираше фондацијата „Јохан Кројф“.

По повод присуството на Пеп, очекувано се собраа новинари па Шпанецот мораше да одговори на повеќе прашања.
За Реал Мадрид?

„Честитки до Реал Мадрид, кога еден клуб три пати во низа ќе ја освои Лигата на шампионите, а четири во последните пет години тоа значи дека станува збор за спектакуларен тим. Лигата на шампионите е тешко натпреварување и од многу фактори зависи дали ќе имате успех. Реал игра одлично во Европа и морам да им симнам капа“.

Дали со заминувањето на Иниеста дојде крајот на ерата на Барселона?

„Не, мората да знаете дека таквите играчи секогаш се појавуваат. Тимот не може да биде готов кога заминуваат двајца или тројца играчи. Барселона и понатаму е најдобар клуб во светот. Со или без Лигата на шампионите“, порача Пеп.

Интересно ќе биде да се види дали ќе има рекација од таборот на „граѓаните“ за последните зборови на Пеп (Барселона е најдобар клуб во светот).