Гвардиола објасни зошто Мбапе нема дојде во Манчестер Сити

Гласините се составен дел од фудбалот, колку клубот е поголем, толку повеќе има и гласини.

Во последно време медиумите на Островот започнаа да го поврзуваат суперталентираниот тинејџер Килијан Мбапе со трансфер во редовите на Манчестер Сити.

Денес стратегот на „граѓаните“ беше и повеќе од јасен на оваа тема.

„Тоа нема да се случи. Не разбирам од каде доаѓаат таквите информации. Манчестер Сити нема да потроши пари колку што Мбапе заслужува или подобро кажано колку што Пари Сен Жермен ќе бара. Претпоставувам дека ПСЖ ваков играч нема да продаде барем во наредните неколку сезони. Значи, тоа нема да се случи! Мбапе нема да дојде во Сити. Ниту пак ќе го дадеме Рахим Стерлинг за него или било кој друг голем играч кој го имаме“, јасен беше

Гвардиола, па продолжи:

„Не разбирам од каде ви се таквите вести, навистина не разбирам. Луѓето би требало да имаат повеќе почит кон Пари Сен Жермен, Манчестер Сити и играчите на овие клубови“, заврши Шпанецот.